ಮೈಸೂರು ವರ್ಣಚಿತ್ರಗಳು - ನನ್ನ ಕವನಗಳು: 5 - ಜಯ ಸಾಲಿಯನ್

ಮೈಸೂರು ವರ್ಣಚಿತ್ರಗಳು 

ನನ್ನ ಕವನಗಳು: 5 - ಜಯ ಸಾಲಿಯನ್ 

ಅರಮನೆಯ ವೈಭವದಲಿ ನೃಪರ ಗಾಂಭೀರ್ಯದಲಿ,
ಕಾಣುವೆವು ಚಿತ್ತಾರವನು||
ದೇವತೆಗಳ ರೂಪದಲಿ ಪುರಾಣ ಕಥೆಗಳಲಿ,
ಜೀವಂತ ಕಲೆಯನು||

ಚಿನ್ನದ ಲೇಪನದಲ್ಲಿ ರತ್ನಗಳ ಹೊಳಪಿನಲ್ಲಿ,
ನರ್ತಿಸುವುದು ಕಣ್ಣು||
ಪ್ರಕೃತಿಯ ಸೌಂದರ್ಯದಲ್ಲಿ ಹೂಗಳ ಚಿತ್ತಾರದಲ್ಲಿ,
ನೀಡುವುದು ಆನಂದವನ್ನು||

ಗಂಡುಭೇರುಂಡದ ಗತ್ತಿನಲ್ಲಿ ಆನೆಗಳ ಗಾಂಭೀರ್ಯದಲ್ಲಿ,
ಕಾಣುವೆವು ವೈಭವವನ್ನು||
ಯಾತ್ರೆಗಳ ಮೆರವಣಿಗೆಯಲ್ಲಿ ಹಬ್ಬಗಳ ಸಂಭ್ರಮದಲ್ಲಿ,
ತುಂಬಿಹುದು ಹರುಷವನ್ನು||

ಕೃಷ್ಣನ ಲೀಲೆಗಳಲ್ಲಿ ರಾಮನ ಕಥೆಗಳಲ್ಲಿ,
ಸತ್ಯಗಳು ಅಡಗಿದೆ||
ಕಲಾವಿದರ ಕೈಚಳಕದಲ್ಲಿ ಸಂಸ್ಕೃತಿಯ ಪ್ರತೀಕದಲ್ಲಿ,
ಹೆಮ್ಮೆಯಿದು ನಾಡಿಗೆ||

ಕಾಲಾತೀತ ಕಲೆಯಿದು ಬೆಲೆ ಕಟ್ಟಲಾಗದು,
ನೋಡುತ ಮೈಮರೆವೆವು||
ಮೈಸೂರು ಕಲೆಯಿದು ನಾಡಿನ ಹೆಮ್ಮೆಯಿದು,
ಎಂದೆಂದೂ ನಲಿಯುವೆವು||
- ಜಯ ಸಾಲಿಯನ್

 

ಪ್ರಯಾಗರಾಜದ 'ಮೊನಾಲಿಸೆ' - ನನ್ನ ಕವನಗಳು: 4 - ಜಯ ಸಾಲಿಯನ್

ಪ್ರಯಾಗರಾಜದ 'ಮೊನಾಲಿಸೆ'

ನನ್ನ ಕವನಗಳು: 4 - ಜಯ ಸಾಲಿಯನ್ 

ಕುಂಭಮೇಳದಲಿ ಕಂಡಳು ಹುಡುಗಿ,
ಇಂದೂರಿನ ಮಾಲೆ ಮಾರುವ ಬೆಡಗಿ.
ಮೋನಿ ಭೋಂಸ್ಲೆ ಎಂಬಾಕೆ ಅವಳು,
ಮೊಗದಲ್ಲಿ ನಗುವಿನ ಸಿಂಚನ ಸುರಿದಳು.

ಪ್ರಯಾಗರಾಜದಲಿ ಕಂಡಳು ಮೊನಾಲಿಸ,
ಕಲಾಪ್ರೇಮಿಗಳ ಸೆಳೆದಳು ಮನಸಾ.
ಮಾಲೆಯ ವ್ಯಾಪಾರ ಅವಳ ಕಾಯಕ,
ನಗುವಿನಿಂದಲೇ ಬೆಳಗಿದಳು ಲೋಕ.

ಸರಳತೆ, ಸೌಂದರ್ಯ ಅವಳ ಆಭರಣ,
ಕಲೆಗೆ ಸಿಕ್ಕಿತು ಹೊಸದೊಂದು ಕಿರಣ.
ಕುಂಭಮೇಳದಲಿ ಮೊನಾಲಿಸ ಕಂಡಳು,
ಕಲಾಪ್ರೇಮಿಗಳ ಮನವನು ಗೆದ್ದಳು.

ಕಲಾಕಾರರ ಕಣ್ಣಿಗೆ ಬಿದ್ದಳು ಬೆಡಗಿ,
ಶ್ರೀಮಂತಿಕೆ ಮೊಗದಲ್ಲಿ ಕೂತಿದೆ ಅಡಗಿ. 
ಪ್ರಯಾಗರಾಜನ ಕಲೆಯಿದು ಅನಂತ,
ಮೋನಿಯ ನಗುವಿಗೆ ಸಾಟಿಯಿಲ್ಲ ಅಂತ.

ಮಾಲೆ ಮಾರುವ ಹುಡುಗಿಯ ನಗು,
ಕಲಾಪ್ರೇಮಿಗಳ ಸ್ಪೋರ್ತಿ ಎಂದಿಗೂ, 
ಪ್ರಯಾಗರಾಜನ ಮೊನಾಲಿಸೆ ನೀನು,
ಕಲೆಯ ಬೆಳಕಾಗಿ ಬೆಳಗು ನೀನು.
- ಜಯ ಸಾಲಿಯನ್

ಚಿತ್ರಕಲಾ ಚೇತನ: ರವಿವರ್ಮ - ನನ್ನ ಕವನಗಳು: 3 - ಜಯ ಸಾಲಿಯನ್

ಚಿತ್ರಕಲಾ ಚೇತನ: ರವಿವರ್ಮ

ನನ್ನ ಕವನಗಳು: 3 - ಜಯ ಸಾಲಿಯನ್ 

ವರ್ಣಗಳ ಒಡೆಯ, ಕಲೆಯ ಕವಿ,
ರವಿವರ್ಮನೆಂಬಾತ, ವಾಸ್ತವ ಶೈಲಿಯ ಮಾಯಾವಿ, 
ಪುರಾಣದ ಕಥೆಗಳು, ಜೀವಂತ ಚಿತ್ರವು,
ದೇವತೆಗಳ ರೂಪವು, ಕಣ್ಣಿಗೆ ಸತ್ಯವು.

ಕುಂಚದಲಿ ಮಾಯೆ, ಬಣ್ಣದಲಿ ಮೋಹಕ ರೂಪ
ಕಲೆಯಲಿ ಅರಳಿತು, ಒಲವೆತ್ತಿ ತೋರುವಾ ದೀಪ;
ಶಕುಂತಲೆಯ ಸೊಬಗು, ದಮಯಂತಿ ಸ್ವಯಂವರ 
ಕೀಚಕನ ಕ್ರೌರ್ಯ, ಕಣ್ಣಿಗೆ ಅಬ್ಬರ. 

ಮಹಾಭಾರತದ ರಣ, ರಾಮಾಯಣದ ಕಥೆ,
ದೇವರ ಮೂರ್ತಿಗಳು, ಮನದಲಿ ಮಥೆ.
ಕಲಾವಿದನ ಕೈಚಳಕ, ಮನದಲಿ ಬೆಳಕು,
ಭಾರತದ ಕಲೆಗೆ, ರವಿವರ್ಮನ ಹೊಳಪು.

ವರ್ಣಗಳ ಸಂಯೋಜನೆ, ರೇಖೆಯ ವಿನ್ಯಾಸ,
ಕಲೆಯಲಿ ಮೂಡಿತು, ಜೀವನದ ವಿಕಾಸ.
ರವಿವರ್ಮನ ಕಲೆ, ಚಿರಕಾಲ ನಿಲ್ಲಲಿ,
ಭಾರತದ ಕೀರ್ತಿಯ, ಪತಾಕೆಯ ಹಾರಿಸಲಿ.
- ಜಯ ಸಾಲಿಯನ್ 

ಚಿತ್ರಕಲಾ ಸಿರಿ - ನನ್ನ ಕವನಗಳು: 2 - ಜಯ ಸಾಲಿಯನ್

ಚಿತ್ರಕಲಾ ಸಿರಿ

ನನ್ನ ಕವನಗಳು: 2 - ಜಯ ಸಾಲಿಯನ್ 

ಬಣ್ಣಗಳ ಮಿಲನ, ಭಾವಗಳ ಕುಣಿತ,
ಚಿತ್ರದಲಿ ಅಡಗಿದೆ, ಜಗದ ಅನಂತ.
ಭಾರತದ ನೆಲದಿ, ಮೂಡಿದ ಕಲೆಗಳು,
ಸಂಸ್ಕೃತಿಯ ದ್ಯೋತಕ, ಚಿರಕಾಲ ಪ್ರೇರಕ.

ಅಜಂತದ ಗೋಡೆ, ಎಲ್ಲೋರದ ಶಿಲೆ,
ಹಂಪೆಯ ಕಲ್ಲಿನ, ಕೆತ್ತನೆಯ ಕಲೆ.
ತಾಜ್‌ಮಹಲ್ ಗೋಡೆಯ, ನಯನದ ಬೆಡಗು,
ಮಧುಬನಿಯ ರೇಖೆ, ಪಟಚಿತ್ರದ ನಡುಗು.

ಮೈಸೂರಿನ ಶೈಲಿ, ತಂಜಾವೂರಿನ ಕಲೆ,
ಕಲಾವಿದನ ಕೈಚಳಕ, ಮನದ ಅಲೆ.
ಪ್ರಕೃತಿಯ ಸೊಬಗು, ಸುರರ ಶಿಲೆಗಳು, 
ಜನಪದ ಕಥೆಗಳು, ಪುರಾಣದ ನುಡಿಗಳು.

ಚಿತ್ರಗಳಲಿ ಜೀವ, ಜೀವದಲಿ ಕಲೆ,
ಭಾರತೀಯ ಚಿತ್ರಕಲೆ, ಅನಂತದ ಕಲೆ.
ಕುಂಚದ ಸ್ಪರ್ಶದಿ, ಮೂಡಿದ ರೂಪಗಳು,
ಬಣ್ಣದ ಮಿಲನದಿ, ಅರಳಿದ ಭಾವಗಳು.

ಕಲಾವಿದನ ಮನದ, ಪ್ರತಿಬಿಂಬ ಚಿತ್ರ,
ಭಾರತದ ಕಲೆಗೆ, ಸದಾ ಗೌರವ ಪಾತ್ರ.
ವರ್ಣಗಳ ಚಿತ್ತಾರ, ಭಾವಗಳ ಸಿಂಗಾರ, 
ಭಾರತೀಯ ಚಿತ್ರಕಲೆ, ಅಪ್ಪಟ ಬಂಗಾರ.
- ಜಯ ಸಾಲಿಯನ್ 

ಚಿತ್ರಕಾರನ ಮನದಾಳ - ನನ್ನ ಕವನಗಳು: 1 - ಜಯ ಸಾಲಿಯನ್

ಚಿತ್ರಕಾರನ ಮನದಾಳ

ನನ್ನ ಕವನಗಳು: 1 - ಜಯ ಸಾಲಿಯನ್ 

ಚಿತ್ರಕಾರನ ಚಿತ್ರದಲಿ,
ಮನದಾಳದ ಮರ್ಮ ಅಡಗಿದೆ,
ಬಣ್ಣಗಳಲಿ ಕನಸು ಬೆರೆತಿದೆ,
ರೇಖೆಗಳಲಿ ಜೀವನ ಸಿಲುಕಿದೆ.

ಕಾಗದದ ಮೇಲೆ ಕಥೆಗಳ ನರ್ತನ,
ಭಾವನೆಗಳ ಹೊಳೆಯೇ ಅವನಿಗೆ ಅರ್ಪಣ,
ಕಲೆಯ ಮೂಲಕ ಆಸೆಗಳ ಅನಾವರಣ,
ಅದೇ ಅವನ ಬದುಕಿಗೆ ಸಂಜೀವನ.

ಕಣ್ಣುಗಳು ಕಂಡದ್ದನು ಕೈಗಳು ಬರೆಯುವವು,
ಮನಸ್ಸಿನಾಳದ ಭಾವನೆ ಬಣ್ಣಗಳಲಿ ಅರಳುವವು,
ಕಲ್ಪನೆಯ ಕುದುರೆ ಏರಿ ದೂರ ಸಾಗುವನು,
ಚಿತ್ರಕಲೆಯಲಿ ಹೊಸ ಜಗವ ಸೃಷ್ಟಿಸುವನು.

ಬ್ರಷ್‌ನಿಂದ ಮೂಡುವ ರೇಖೆ ಮಾಂತ್ರಿಕ,
ಭಾವನೆಗಳ ಸಂಕೇತ, ಕಥೆಗಳು ಅನಂತ,
ಚಿತ್ರಕಾರನ ಮನಸ್ಸು ಕಲೆಯಲಿ ಲೀನ,
ಸೃಷ್ಟಿಯಾನಂದದಲ್ಲಿ ಮುಳುಗಿಹೋಗುವ ಕ್ಷಣ.

ಕಲೆಯ ಮೂಲಕ ತನ್ನನು ತಾನೆ ವ್ಯಕ್ತಪಡಿಸುವ,
ಜಗತ್ತಿಗೆ ಹೊಸ ದೃಷ್ಟಿ ನೀಡುವ,
ಚಿತ್ರಕಾರನ ಮನದಾಳ ಅನಂತ,
ಕಲೆಯಂತೆ ನಿರಂತರ, ಕಲಾಕೃತಿ ಶಾಶ್ವತ.  .
- ಜಯ ಸಾಲಿಯನ್